Ikki muvaffaqiyatli oqimdan so‘ng SGP 3.0 yangi bosqichga chiqmoqda. Ushbu dastur jiddiy o‘sishni maqsad qilgan va bunga tayyorligini amalda ko‘rsatishga tayyor bo‘lgan startap asoschilari uchun mo‘ljallangan. Ishtirokchilar yuzlab kompaniyalarga sarmoya kiritgan Silikon vodiysi investorlaridan bevosita mentorlik olish bilan birga, Demo Day davomida AQSh, Yaqin Sharq, Yevropa va Markaziy Osiyodan tashrif buyuradigan qariyb 30 nafar mintaqaviy va xalqaro investor oldida o‘z loyihalarini taqdim etish imkoniyatiga ega bo‘ladilar. Bu bugungi kunga qadar UzVC tomonidan O‘zbekiston startaplari uchun taqdim etilgan eng keng qamrovli imkoniyatdir.

Arizalar 2026-yil 10-iyuldan 31-iyulgacha uzvc.uz/submit sayti orqali qabul qilinadi.

Dastur nimalarni taklif qiladi

SGP 3.0 2026-yil sentabrdan dekabrgacha gibrid formatda o‘tkaziladi. Dastur Toshkentda bo‘lib o‘tadigan ikki oflayn intensiv va ular orasidagi tizimli onlayn sessiyalarni o‘z ichiga oladi.

Dastur uch bosqichdan iborat.

2026-yil sentabr

Startup Growth Conference va Bootcamp Toshkentda bo‘lib o‘tadi.

Uch kun davomida ishtirokchilarni amaliy workshoplar, tizimli diagnostika sessiyalari hamda short-listga kirgan 30 ta jamoa orasidan 15 ta startapni yakuniy saralash jarayoni kutmoqda.

2026-yil sentabr – noyabr

10 haftalik Growth Deep-Dive onlayn dasturi.

Dastur doirasida startaplarning dastlabki o‘sish bosqichi uchun eng muhim mavzular bo‘yicha oltita workshop tashkil etiladi:

  ● bozor strategiyasi;

  ● go-to-market strategiyasi;

  ● unit economics (yunit iqtisodiyoti);

  ● investitsiyalarni jalb qilish;

  ● investorlar bilan ishlash;

  ● sun'iy intellekt (AI) bo‘yicha chuqurlashtirilgan modul.

Bundan tashqari, har bir startap aynan o‘z biznesi, moliyaviy ko‘rsatkichlari va keyingi rivojlanish bosqichiga bag‘ishlangan uchta individual mentorlik sessiyasini oladi.

2026-yil dekabr

Yakuniy Bootcamp va Demo Day Toshkentda bo‘lib o‘tadi.

Dastur quyidagilarni o‘z ichiga oladi:

  ● pitch taqdimotini takomillashtirish;

  ● data room tayyorlash;

  ● investorlar bilan mashg‘ulot tarzidagi Q&A sessiyalari;

  ● Demo Day tadbirining o‘zi.

Dastur tarixida ilk bor dasturga qabul qilingan har bir startap UzVC tomonidan $20 000 miqdorida kafolatlangan investitsiyaga ega bo‘ladi..

Ekspertlar tarkibi

Marvin Liao va Asher Siddiqui SGP 3.0 dasturiga qaytmoqda. Ularga global kompaniyalarni yaratish va moliyalashtirish bo‘yicha katta tajribaga ega bo‘lgan sinchkovlik bilan tanlangan mentorlar jamoasi qo‘shiladi. SGP 2.0 ishtirokchilari va kuzatuvchilari uchun Marvin va Asher alohida tanishtirishga muhtoj emas.

Marvin Liao olti yil davomida San-Fransiskodagi 500 Startups fondida hamkor sifatida faoliyat yuritib, 400 dan ortiq dastlabki bosqichdagi startaplar bilan bevosita ishlagan.

Asher Siddiqui esa venchur kapitali, M&A va kompaniyalarni rivojlantirish sohasida 25 yildan ortiq tajribaga ega. U dunyodagi eng yirik telekommunikatsiya guruhlaridan birida milliardlab dollarlik bitimlarga rahbarlik qilgan, 500 Startups investitsiya strategiyasini shakllantirishda ishtirok etgan hamda Silikon vodiysi, Yaqin Sharq va boshqa mintaqalardagi venchur fondlariga maslahat bergan.

Dastur ekspertlari qatoridan, shuningdek:

  ● AQSh va Osiyodagi startaplarga sarmoya kiritayotgan amaldagi Silikon vodiysi investorlari;

  ● rivojlanayotgan bozorlar bo‘yicha katta tajribaga ega sobiq Google rahbari;

  ● dunyoning eng tez rivojlanayotgan AI kompaniyalari asoschilari va rahbarlari;

  ● yuz millionlab dollarlik venchur fondlarini boshqargan sobiq menejerlar o‘rin olgan.

Kimlar ariza topshirishi mumkin

SGP 3.0 quyidagi talablarga javob beradigan startaplar uchun mo‘ljallangan:

  ● ishlayotgan mahsulotga ega bo‘lishi;

  ● dastlabki daromad yoki tasdiqlangan bozor talabi mavjud bo‘lishi;

  ● uch oy davomida biznesni rivojlantirish ustida intensiv ishlashga tayyor asoschilar jamoasiga ega bo‘lishi.

Agar siz investitsiya jalb qilishni rejalashtirayotgan bo‘lsangiz va investorlar bilan muzokaralarga puxta tayyorlanishni istasangiz, ushbu dastur aynan siz uchun yaratilgan.

Dasturda ishtirok etish shartlaridan biri sifatida UzVC dasturga qabul qilingan har bir startapning ustav kapitalidan 2 foizgacha ulush oladi.

Barcha mentorlik va ekspert sessiyalari ingliz tilida olib borilishi sababli, ingliz tilini bilish majburiy talab hisoblanadi.

"O‘zbekiston StartupBlink tomonidan 2026-yilning "Yil mamlakati" deb e'tirof etildi va startap ekotizimi 227 foiz o‘sishni namoyish etdi. Biz bu yutuqdan nihoyatda faxrlanamiz. SGP kabi dasturlar ushbu muvaffaqiyat tarixining muhim qismidir.

Bu yil SGP 3.0 yanada yuqori talablarni qo‘yadi va asoschilardan ko‘proq mas'uliyat hamda sa'y-harakat talab qiladi. Buning evaziga ular yanada chuqur mentorlik, kuchliroq mas'uliyat hissi va bizneslarini rivojlantirishda haqiqiy natijalarga ega bo‘ladilar.

Bizning maqsadimiz o‘zgarma

ydi: O‘zbekistonni mintaqadagi va undan tashqaridagi eng faol rivojlanayotgan startap ekotizimlaridan biri sifatida dunyo xaritasiga olib chiqish."

— Dilshod Xashimov, UzVC bosh direktori

Ariza topshirish

Sayt: uzvc.uz/submit

Arizalarni qabul qilishning oxirgi muddati: 2026-yil 31-iyul

Savollar uchun:

• E-mail: info@uzvc.uz
• Telefon: +998 95 500-09-19