13 aprel kuni farmatsevtika sohasida innovatsion startap loyihalarni rivojlantirish maqsadida, UzVC Milliy venchur fondi rahbari Dilshod Xashimov hamda Farmatsevtika tarmog‘ini rivojlantirish agentligi direktori Abdulla Azizov bilan uchrashuv bo‘lib o‘tdi.

✅ Uchrashuv davomida sohada istiqbolli startaplarni qo‘llab-quvvatlash, ularni moliyaviy va institutsional jihatdan rivojlantirish, shuningdek innovatsion yechimlarni amaliyotga joriy etish masalalari atroflicha muhokama qilindi.

✅ Xususan, DeepTech yo‘nalishidagi startap loyihalarni qo‘llab-quvvatlash, ilmiy ishlanmalarni tijoratlashtirish hamda yuqori texnologiyalarga asoslangan tashabbuslarni rivojlantirish bo‘yicha hamkorlik qilishga kelishib olindi.

✅ Uchrashuv yakunida tomonlar o‘zaro manfaatli hamkorlikni yo‘lga qo‘yish va mazkur yo‘nalishda qo‘shma tashabbuslarni amalga oshirishga tayyor ekanliklarini bildirdilar.