Uchrashuv yakunida sun’iy intellekt sohasida barqaror hamkorlikni shakllantirishga qaratilgan hamkorlik memorandumi imzolandi. Hujjat texnologik ekotizimni rivojlantirish, innovatsion faollikni rag‘batlantirish hamda zamonaviy raqamli yechimlarni joriy etish bo‘yicha tomonlarning sa’y-harakatlarini birlashtirish niyatini mustahkamlaydi.

Kelishuv doirasida quyidagi yo‘nalishlarda qo‘shma tashabbuslarni amalga oshirish rejalashtirilmoqda:

 - sun’iy intellekt sohasidagi innovatsion loyihalarni qo‘llab-quvvatlash va akseleratsiya qilish;

- sohaviy ekspertiza va tahliliy ma’lumotlar almashinuvi;

- ixtisoslashgan tadbirlar, ta’lim dasturlari va ekspert sessiyalarini tashkil etish;

- startaplar, investorlar va korporativ sektor o‘rtasida hamkorlik aloqalarini rivojlantirish.

Memorandum imzolanishi tomonlarning AI ekotizimini tizimli ravishda rivojlantirish hamda texnologik yechimlarni mahalliy va xalqaro darajada kengaytirish uchun zarur sharoitlar yaratishga intilishini aks ettiradi.

UzVC startaplar uchun imkoniyatlarni kengaytirish va barqaror texnologik o‘sish muhitini shakllantirish maqsadida bozordagi asosiy ishtirokchilar bilan hamkorlikni izchil mustahkamlashni davom ettirmoqda.